|
PAULUS V PONT. MAX. PATRIA ROMANUS EX BURGHESIA FAMILIA
CUI PERPETUA VITAE INNOCENTIA ET SPECTATA VIRTUS
AD INSIGNES QUOSQUE HONORES GRADUM FECIT
BONONIAE PROLEGATO PRAEFUIT MOX. A GREGORIO XIV
CAUSARUM CAM. APOST. AUDITOR CREATUS ET A CLEMENTE VIII AD PHILIPPUM II
HISPANIARUM REGEM DE GRAVISSIMIS REBUS LEGATUS
IN AMPLISSIMUM ORDINEM COOPTATUS INTER GENERALES INQUISITORES ADSCRIPTUS
ET URBIS VICARIUS ELECTUS CUM OMNES TANTORUM MUNERUM PARTES
SUMMA CUM LAUDE OBIVISSET AD SUMMUM PONTIFICATUM LEONE X E VIVIS EREPTO
FLORES ADHUC AETATE INCREDIBILI PATRUM CONSENSU EVECTUS EST
CUMQUE VIGILI SOLLICITUDINE SECURITATEM ANNONAE COPIAM
IUSTITIAM ET PACEM UNIVERSO CHRISTIANO ORBI SEMPER PRAESTITISSET
RELIGIONEM SUMMA PIETATE COLUISSET
URBEM MAGNIFICENTISSIMIS AEDIFICIIS ORNASSET ATQ. EGREGIIS
OMNIUM VIRTUTUM OFFICIIS ADITUM SIBI AD IMMORTALITATEM APERVISSET
E MORTALIBUS RAPTUS GRAVE CUNCTIS SUI DESIDERIUM RELIQUIT
SEDIT IN POTIFICATU ANNOS XV MENSES VIII DIES XIII
OBIIT ANNO SAL. MDCXXI DIE XXVIII IANUARII
|
